mogamaaelbehoth

وثائقية وعلمية خاصة بمجمع البحوث العربية
 
الرئيسيةالرئيسية  البوابةالبوابة  اليوميةاليومية  س .و .جس .و .ج  بحـثبحـث  قائمة الاعضاءقائمة الاعضاء  المجموعاتالمجموعات  التسجيلالتسجيل  دخولدخول  

شاطر | 
 

 لغتنا العربية يسر لا عسر

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
د.أحمد على سليمان الغزالى
Admin


عدد المساهمات : 8
تاريخ التسجيل : 30/01/2016
الموقع : http://shamela.ws/index.php/main

مُساهمةموضوع: لغتنا العربية يسر لا عسر   الأحد يناير 31, 2016 11:38 am

تذكرت مقولة الدكتور/ طه حسين ( لغتنا العربية يسر لا عسر ونحن نملكها كما كان القدماء يملكونها ولنا ان نضيف إليها ما نحتاج إليه في العصر الحديث) طبعاً تسالونى أيه اللي خلانى اتذكر هذه المقولة اقول لكم انى لقيت الناس كلها بتتكلم بلغة غريبة جداً زى ( اسيسه – اكبيره- افروده) والي مش عارف معنى الكلام ده ايه انا اشرحه:
Carbon copy اسيسه: معناه في العربية أرسل صورة من الملف او الراسلة لشخص اخر
.اكبيره: معناه اخذ منه صورة
أفروده: معناه إعادة أرسل الرسالة

بس طبعا مش ده كان هدف الراحل طه حسين اعتقد ان هدفه كان تنمية لغتنا مش بهدلتها بالشكل ده وادخال الكلمات بنفس النطق والمعنى علي اللغة.
وبعد بحث طويل حسيت ان اللغة الحلوة بتاعتنا – علي فكرة انا بحب اللغة العربية جدا جدا- هتندثر وبعدين نعمل ايه يعنى لا تبقي فيه لغة خاصة بينا ولا فيه احلام خاصة بينا ولا هدف خاص بينا ولا اختراعات خاصة بينا يبقى احنا عايشين ليه عالة علي الامم الاخرى هم يخترعوا واحنا نأخذ هم يطوروا واحنا ناخد وبعدين امتى هنضيف جديد من عندنا طب هنرفع راسنا ازاى قدام الامم الاخرى واحنا عاملين زى نبات اللبلاب عايش عليهم يعنى حقهم يعملوا فينا اللي هم عايزينه.
عام 2006 كان عام اللغة العربية وانتهى عام 2006 ومفيش جديد محدش حس ولا اى وسلية من وسائل الاعلام اظهرته .
يا جماعة لازم نتحد ونكلم باللغة العربية لغتنا يعنى ايه لازمة ان نكون كلنا عرب مع بعض او حتى مصريين مع بعض وعايشين في منطقة واحدة واكلمك بلغة غير العربية يعنى ليه يا عم عرفنا انك بتعرف لغات.
قرأت الشعر ده وبيقولوا انه عربي ومفهمتوش حد فاهم حاجة اللي يفهم حاجة يقول لي ويكون في ميزان حسناته:
تدفق في البـطـحـاء بعد تبهطلِ وقعقع في البيداء غير مزركلِ‎
وســار بأركان العقيش مقرنصاً
وهام بكل القارطات بشنكــلِ‎ يقول وما بال البـحاط مـقرطماً
ويسعى دواماً بين هك وهنكـلِ‎
إذا أقـبـل البعـراط طاح بهمةٍ
وإن أقرط المحطوش ناء بكلكلِ‎
يكاد على فرط الحطيـف يبقبـق
ويضرب ما بين الهماط وكندلِ‎
فيا أيها البغقوش لسـت بقاعـدٍ
ولا أنت في كل البحيص بطنبلِ
وبعد ها عرفت معاني كلماتها الجميلة كما بينها لنا الشاعر وهي كما يلي
‎ تبهطل: أي تكرنف في المشاحط
زركل: هو كل بعبيط أصابته فطاطة
العقيش: هو البقس المزركب مقرنطاً: أي كثير التمقمق ليلاً
البحطاط: أي الفكاش المكتئب مقرطماً: أي مزنفلاً
هك: الهك هو البقيص الصغير
البعراط: هو واحد البعاريط وهو العكوش المضيئة
أقرط: أي قرطف يده من شدة البرد‎
المحطوش: هو المتقارش بغير مهباج يبقبق: أي يهرتج بشدة
الهماط: هي عكوط تظهر ليلاً وتختفي نهاراً
الكندل: هو العنجف المتمارط البغوش: هو المعطاط المكتنف
البحيص: هو وادٍ بشمال المريخ الطنبل: هو البعاق المتفرطش


وبعد ما استمتعنا بالكلام الفظيع ده
ممكن نتكلم جد شوية مش هي شوية وشوية

هل ممكن نعمل ساعة واحدة في اليوم للغة العربية او في الاسبوع ايه رايكوا نتعلمها نتكلمها مع أولادنا انقذوا اللغة العربية
هل ده ممكن ايه رايكوا ممكن يكون ده احد أهدافنا هستنى آراكم لا تبخلوا علي بها
وجزاكم الله خيراً
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://mogamaaelbehoth.alhamuntada.com
 
لغتنا العربية يسر لا عسر
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
mogamaaelbehoth :: الفئة الأولى :: المنتدى الأول-
انتقل الى: